ഡിജിറ്റൽ ആൽബം, ഡിജിറ്റൽ പ്രൊഫൈൽ നിർമ്മാണവുമായി ബന്ധപ്പെട്ട് കൊട്ടാരക്കര ബിഎംഎം ll ട്രെയിനിങ് കോളേജിൽ ഒരു ഏക ദിന പ്രായോഗിക പരിശീലന ക്ലാസ്സ് നടത്തുകയുണ്ടായി. ശ്രീ. ഹരി ലാൽ സാറാണ് ക്ലാസ്സ് എടുത്തത്. എങ്ങനെ ഡിജിറ്റൽ ആൽബം, ഡിജിറ്റൽ പ്രൊഫൈൽ നിർമ്മിക്കാമെന്നും എന്തൊക്കെ കാര്യങ്ങൾ ശ്രദ്ധിക്കണമെന്നും മനസിലാക്കാൻ സാധിച്ചു.വളരെ നല്ല ക്ലാസ്സായിരുന്നു. റിജു സാറാണ് നേതൃത്വം നൽകിയത്. ക്ലാസ്സിൽ വച്ചു തന്നെ എല്ലാവരും ഡിജിറ്റൽ ആൽബം, ഡിജിറ്റൽ പ്രൊഫൈൽ എന്നിവ നിർമ്മിച്ചു.
Digital Album
Digital profile
നാടകം
ബി എഡ് കരിക്കുലവുമായി ബന്ധപ്പെട്ട് ആർട്ട് എഡ്യൂക്കേഷന്റെ ഭാഗമായി നാടകവതരണം കോളേജിൽ വച്ച് നടക്കുകയുണ്ടായി. ഒന്നാം വർഷ അധ്യാപക വിദ്യാർത്ഥികളെ വിവിധ ഗ്രൂപ്പുകളായി തിരിച്ചാണ് അവതരണം നടത്തിയത്. ആകെ 18 ഗ്രൂപ്പുകളാണ് ഉണ്ടായിരുന്നത്. ഞാൻ 10 മത്തെ ഗ്രൂപ്പിലാണ് ഉൾപ്പെട്ടത്. ഗണിത ശാസ്ത്ര പ്രതിഭയായ ശ്രീനിവാസ രാമാനുജന്റെ ജീവിത കഥയാണ് ഞങ്ങൾ തെരഞ്ഞെടുത്തത്. ഓരോ ഗ്രൂപ്പ് അവരവരുടെ വിഷയത്തിൽ അധിഷ്ഠിതമായ നാടകമാണ് അവതരിപ്പിച്ചത്.എല്ലാവരും മികച്ച പ്രകടനമാണ് നടത്തിയത്. നാടകത്തെ എങ്ങനെ വിഷയധിഷ്ഠിതമായി ബന്ധപ്പെടുത്താമെന്നും അതിൽ ഒരു അധ്യാപിക എന്ന നിലയിൽ എന്തെല്ലാം കാര്യങ്ങൾ ശ്രദ്ധിക്കണമെന്നും മനസിലാക്കാൻ സാധിച്ചു. രാവിലെ 9:45ന് തുടങ്ങിയ നാടകവതരണങ്ങൾ വൈകിട്ട് 3:30 നാണ് അവസാനിച്ചത്. ശേഷം നാടകത്തിന്റെ റിഫ്ലക്ഷൻ ഉണ്ടായിരുന്നു. ഓരോ ഗ്രൂപ്പിന്റെയും അവതരണത്തെക്കുറിച്ച് സതീഷ് സാർ സംസാരിച്ചു. മികച്ച നടനായി തെരഞ്ഞെടുത്തത് അക്ഷയ് ജോണിനെയും മികച്ച നടിയായി തെരഞ്ഞെടുത്തത് ബിജിയെയുമാണ്. ആതിരയാണ് നന്ദി പറഞ്ഞത്.
workshop on Dramatisation
ബി.എഡ് കരിക്കുലത്തിന്റെ ഭാഗമായി ആർട്ട് എഡ്യൂക്കേഷനുമായി ബന്ധപ്പെട്ട് ഒരു പ്രായോഗിക പരിശീലന ക്ലാസ്സ് കൊട്ടാരക്കര ബി.എം. എം സെക്കൻഡ് ട്രെയിനിങ് കോളേജിൽ വച്ച് നടത്തുകയുണ്ടായി. രണ്ടു ദിവസങ്ങളിലായിട്ടാണ് പ്രായോഗിക പരിശീലന ക്ലാസും നാടകവും നടത്തുവാൻ തീരുമാനിച്ചത്. 25/8/2022 ന് രാവിലെ 10 മണിക്ക് തന്നെ വർക്ക്ഷോപ്പ് ആരംഭിച്ചു. ബി.എഡ് കരിക്കുലത്തിൽ കലാപരമായ കഴിവുകൾ വളർത്തിയെടുക്കേണ്ട അവശ്യകതയെപ്പറ്റി റിജു സാർ ആമുഖ പ്രസംഗം നടത്തി .ശേഷം റിസോഴ്സ് പേഴ്സൺ ആയ ശ്രീ. സതീഷ്. ജി. സാറിനെ പരിചയപ്പെടുത്തി.നാടക രംഗത്തെ പ്രൊഫഷണൽ ആയ സതീഷ് സാർ വെഞ്ഞാറമൂട് സ്വദേശിയാണ്. സ്കൂൾ തലങ്ങളിൽ നിന്നും നാടക രംഗത്തേക്ക് എത്തിയ വ്യക്തിയാണ്. മോണോ ആർട്ട് എന്ന പുസ്തകത്തിന്റെ രചയിതാവ്. ശേഷം സതീഷ് സാർ സംസാരിച്ചു.എന്താണ് നാടകമെന്നും, നാടകത്തെ ക്ലാസ്സ് മുറികളിൽ എങ്ങനെ പ്രയോജനപ്പെടുത്താമെന്നും മനസിലാക്കാൻ സാധിച്ചു. എല്ലാ കലകളുടെയും മാതാവാണ് നാടകം. നാടകത്തിലെ അടിസ്ഥാനപരമായ മൂന്നു ഉപകാരണങ്ങളാണ് ശബ്ദം, ശരീരം, മനസ് എന്നിവ.നിരവധി വ്യത്യസ്തമായ പ്രവർത്തങ്ങളിലൂടെ ഇത് മനസിലാക്കാൻ കഴിഞ്ഞു. എല്ലാ പ്രവർത്തങ്ങളിലും എല്ലാവർക്കും പങ്കെടുക്കാൻ സാധിച്ചു.
ENGLISH ASSOCIATION - ZEPHYR
കൊട്ടാരക്കര ബിഎംഎം സെക്കൻഡ് ട്രെയിനിങ് കോളേജിലെ ഒന്നാം വർഷ ഇംഗ്ലീഷ് ഡിപ്പാർട്മെന്റിന്റെ അസോസിയേഷൻ ഉദ്ഘാടനം 19/8/2022 ൽ കോളേജിൽവച്ച്നടത്തുകയുണ്ടായി. അഷ്ടമി സ്വാഗതം പറയുകയും അസോസിയേഷൻ സെക്രട്ടറി ആർദ്ര അധ്യക്ഷ പ്രസംഗം നടത്തുകയും ചെയ്ത ചടങ്ങിൽ കോളേജ് പ്രിൻസിപ്പൽ റോയ് സാർ ഉദ്ഘാടനം നിർവഹിക്കുകയും ചെയ്തു.ജേക്കബ് അച്ചൻ, രേഷ്മ ടീച്ചർ (ഇംഗ്ലീഷ് ഡിപ്പാർട്മെന്റ് H.O.D) എന്നിവർ ആശംസകൾ അറിയിച്ചു. ഹസ്ന പീരിയഡിക്കൽ പ്രസന്റേഷൻ നടത്തുകയും ചെയ്തു. ശേഷം ലോഗോ പ്രകാശനവും നടന്നു. റെനി റെജി നന്ദി രേഖപ്പെടുത്തുകയും വിവിധ കലാപരിപാടികൾ നടത്തുകയും ചെയ്തു.
Photography Exhibition
Social science department of Baselios Marthoma Mathews II Training conducted a photography Exhibition on 19/8/2022 in college campus, on the basis of world photography day on aug 19.
സ്വാതന്ത്ര്യ ദിനാഘോഷം
കൊട്ടാരക്കര BMM II ട്രെയിനിംഗ് കോളേജിൽ 75 മത് സ്വാതന്ത്ര്യദിനാഘോഷം വളരെ വിപുലമായ രീതിയിൽ നടത്തി. പ്രിൻസിപ്പൽ റോയ് സാർ പതാക ഉയർത്തിയ ചടങ്ങിൽ അധ്യാപകരായ റിജു സാർ, വിനീത് സർ,അനിൽ സാർ (സൂപ്രണ്ട്) എന്നിവർ പങ്കെടുത്തു. ശേഷം റോയ് സാർ എല്ലാവർക്കും സ്വാതന്ത്ര്യദിന ആശംസകൾ അറിയിച്ചു. തുടർന്ന് കോളേജ് ആസ്ഥാനത്ത് ജിഷ്ണു വിജയ്, അറിയിച്ചു പേഴ്സൺ ആതിര, സെക്രട്ടറി ജിതിൻ എന്നിവർ ആശംസകൾ നേർന്നു.
വിവിധ ഡിപ്പാർട്ട്മെന്റ് പങ്കെടുത്ത ദേശഭക്തിഗാന മത്സരം, ക്വിസ് മത്സരം എന്നിവ നടത്തി. ശേഷം പായസ വിതരണം ഉണ്ടായിരുന്നു. ദേശഭക്തിഗാന മത്സരത്തിൽ ഒന്നാം സ്ഥാനം നേടിയത് നാച്ചുറൽ സയൻസ് ഡിപ്പാർട്ട്മെന്റാണ്. രണ്ടാം സ്ഥാനം ഫിസിക്കൽ സയൻസ് ഡിപ്പാർട്ട്മെന്റും മൂന്നാംസ്ഥാനം ഇംഗ്ലീഷ് ഡിപ്പാർട്ട്മെന്റും നേടി.ക്വിസ് മത്സരത്തിൽ ഒന്നാം സ്ഥാനംനേടിയത് നാച്ചുറൽ സയൻസ് ഡിപ്പാർട്മെന്റ് ആണ്.സ്വാതന്ത്ര്യ ദിനത്തിന്റെ പ്രാധാന്യം ഉൾക്കൊണ്ടുകൊണ്ടുള്ള പ്രവർത്തനങ്ങൾ ചെയ്യുവാനായി കഴിഞ്ഞു. അധ്യാപക വിദ്യാർത്ഥി എന്ന നിലയിൽ സ്വാതന്ത്ര്യത്തിന്റെ മഹത്വം മനസിലാക്കുവാനും ഏത് രീതിയിൽ കുട്ടികളിൽ എത്തിക്കാമെന്നും തിരിച്ചറിയാൻ സാധിച്ചു.
WEEKEND REFLECTION-8 (07/08/202 (2023, Monday) As a part of BEd curriculum , our last general reflection on second phase of teaching pract...
